ادھوری کہانی

آج بارش میں اپنےبھیگتے وجود سے اسے عجیب وحشت ہوئ تھی- بارش سے نہ خوشی ملی تھی نہ راحت، بلکہ اضطراب مزید بڑھتا گیا- ہر بار اپنے اعتبار کو کرچی کرچی ہوتا دیکھ کر وہ انھی نا قابل بیان کیفیات سے دوچار ہوتی تھی- وہ کمزور نہیں تھی، نہ آنسو بہاتی تھی اور نہ ہی دوسروں سے شکوہ تھا۔ شکایت تھی تو خود سے اور گلہ بھی-

کچھ زخم بہت عجیب ہوتے ہیں، جب چھیڑو رستے ہیں، درد دیتے ہیں، تکلیف پہنچاتے ہیں۔ کئ بار ٹھوکر کھانے کے باوجود آج پھر وہ وہیں کھڑی تھی۔ آج بھی اس کے اندر ایک جنگ جاری تھی، ایک طوفان تھا، الاؤ ابلنے کو تھا۔ ماضی کے سارے تجربات اپنی یادوں سے اسے بوجھل کر رہے تھے-

وہ اسی کشمکش میں تھی کہ پیچھے سے آنے والی آواز اس کی سمعاتوں سے ٹکرائ اور اسے اس تلخ دنیا میں واپس لے آئ؛

“یار بس بھی کرو، بارش رکنے والی ہے مگر تمھارے مزے نہیں“

“مزے؟“ اس نے خود سے پوچھا۔

بے خیالی میں پیچھے مڑی تو دوست کو جواب کا منتظر پایا- جواب دینے کی بجاے وہ ہمیشہ کی طرح آج بھی صرف مسکرائ اور دوست کے پیچھے چل دی۔ اپنے اندر جاری جنگ کو ادھورا چھوڑ کر، بے شمار سوالوں کے جواب ادھورے چھوڑ کر، اپنے اندر کے الاؤ کو باہر نکالے بغیر- ہمیشہ کی طرح یہ کہانی بھی ادھوری چھوڑ کر-

#PBCWeeklyChallenge